Sa tunga sang modernisasyon sang Bacolod, may yara sang mga kamot nga padayon nga nagatrabaho sa idalom sang init kag ulan—ang mga baganihan sa uma, ang mga mangunguma.
Bangud sini malipayon nga gin-turn over sang Bacolod City Government ang kapin ₱800,000 nga balor sang farming inputs kag mga modernong kagamitan sa 11 ka asosasyon sang mangunguma halin sa Barangay Cabug kag Barangay Alangilan.
Indi lang ini basta-basta nga bulig, kundi mga epektibo nga galamito sa uma para sa mas madasig, produktibo, kag episyente nga pagpanguma.
Lakip sa mga gin-turn over amo ang Cultivators kag Grass Cutters para sa mas madasig nga paghanda sang duta, Sprayers kag Garden Tools para sa husto nga pag-atipan sang mga pananum, Water Pumps kag Hoses para masiguro ang nagatuluysog nga patubig sa mga panasan.
Sa idalom sang masanag nga liderato ni Mayor Greg Gasataya paagi sa SPROUT Program, ginapasalig sang syudad nga mga mangunguma indi mabilin sa pag-asenso.
Ang ini nga tikang nagapamatuod nga kon busog ang mga uma, bugana man ang lamesa sang tagsa ka pamilya nga Bacolodnon.
Ang tagsa ka liso nga itanum subong, bitbit ang modernong kagamitan, magapamunga sang mas mabakod, mas produktibo, kag mas masanyugon nga buwas-damlag para sa tanan nga mga benepisyaryo sang programa.