Purluminos 487 nga mga parag-uma ngan parapangisda tikang ha siyudad han Tacloban an nakakarawat hin bulig pinansyal ha ilarum han Presidential Assistance for Farmers and Fisherfolk Program (PAFFP) yana nga adlaw, Hulyo 14, 2026, ha pagpasilitar han Department of Agriculture (DA) Regional Office 8.
An kada benepisyaryo in nakakarawat hin one-time cash assistance nga P2,325 agud makabulig pagpagaan han epekto han paghitaas han gastos ha produksyon ngan gasolina nga nakakaapekto han sektor han agrikultura ngan pangisdaan.
Ha bug-os nga nasud, an programa in ginlalauman nga makakapahimul-os hin masobra 4.1 milyones nga mga rehistrado nga mga parag-uma ngan mga parapangisda, nga nagpapamatuod utro han pagkomiter han gobyerno nga pakusgon an sektor han agrikultura ngan pangisda han nasud samtang nakakabulig pagseguro han seguridad ha pagkaon.
Source: RMN Tacloban