Nagkalat yana an mga pulis ngan SWAT Team ha sulod ngan gawas han Leyte National High School kasunod han gumawas nga hulga kagab-e. Ini nga pitad in ginhimo basi mapakusog an seguridad ngan masiguro an kaluwasan han mga estudyante samtang waray pa isuspendir an klase.
Subay kan School Principal Bayani Adona, diskresyon han mga kag-anak kun papasudlon nira an ira mga estudyante ha eskwelahan. Gindasig liwat an mga kag-anak nga magin mabinantayon ngan magin alerto para ha seguridad han ira mga anak.
Sugad man, diri gintutugotan han eskwelahan nga makagawas an mga estudyante kun waray makasundo nga kag-anak, basi masiguro an ira kaluwasan samtang ginpapadayon an ginpahugot nga seguridad ha palibot han eskwelahan.
Source: RMN Tacloban