Waray makalusot ha mga otoridad an usa nga lalaki mahuman ini mahisabtan nga mayada bitbit nga mga bala han madetect ini ha Central Security Screening Checkpoint Area, ha Daniel Z. Romualdez Airport, Tacloban City, banda alas 7:15 han gab-i kakulop, September 4, 2026.
Ginkilala an suspek ha alyas nga “Mak,” 59-anyos nga businessman, inasaw-an, ngan residente han Brgy. Corocawayan, Sto. Niño, Samar. Hiya in usa nga departing passenger tipakadto ha Manila han pareho nga adlaw.
Sunod naman nga iginpailarum ini ha manual nga inspeksyon ngan gin-intercept ini han Duty Baggage Inspector ha presensya han PNP, mga testigos, ngan han suspek.
Ha imormasyon nga nakuha, nadetect pinaagi han X-ray machine an usa ka piraso hin magazine ngan an 30 ka bala hin caliber 45, nga nakatago ha bag han mao nga pasahero.
Upon interception of the subject items, personnel of Tacloban APS conducted appropriate verification, and profiling of the passenger to determine the circumstances surrounding and whether the same constituted a violation of Republic Act No 10591, otherwise known as the Comprehensive Firearms and Ammunition Regulation Act.
Nagbuhat liwat an mga personales han Tacloban Aiport Police Station hin kaangayan nga pagberipika, ngan profiling han pasahero agud matudlok an mga kahimtang nga nakapalibot han iya panag-iya han mga bala ngan kun ini in pagtalapas han Republic Act No. 10591, o Comprehensive Firearms and Ammunition Regulation Act.
Ginpakianhan naman an mao nga pasahero kun mayada niya mga legal nga dokumento ha pagpamatuod han legalidad han panag-iya hini pero waray hiya may napakita.
Kataliwan in gin aresto an suspek banda alas 7:21 han gab-i han mao nga adlaw.
An narekober nga mga ebidensya in gin-secure ngan ginturn over ha PNP Duty Investigator. Yana, an naaresto nga suspek in nakapailarom ha kustodiya han Tacloban APS nga hapagkayana in nagbubuhat hin imbestigasyon ngan nagtitirok hin importante nga ebidensya ha pag andam han kaangayan nga reklamo ha posible nga pagtalapas han RA 10591 kontra ha suspek.
Source: RMN Tacloban