Waray na kinabuhi han madiskobre an lawas han usa nga lalaki ha Brgy. Kawayanan, Calubian, Leyte, kakulop, July 31, 2026, alas 7:40 han aga.
An biktima in ginkilala nga hi alyas “Rey,” 54-anyos nga parag-uma, ngan residente han Brgy. Kawayanan Calubian, Leyte.
Nagawas ha inisyal nga imbestigasyon han mga otoridad nga dida han July 30 han gab-i, nahisumat nga nagkukuri an biktima ha paghinga ngan nagreklamo nga masakit an iya dughan. Gin abisuhan naman hiya han iya asawa nga magpatambal ha hospital, pero waray hiya pagtugot.
Kinabuwasan han aga, pumakadto an biktima ha iya uma para atimanon an iya karabaw.
Kataliwan in nadiskobre nala hiya nga waray malay nga nakahigda ha iya uma. Sumala ha mga pamahayag han asawa han biktima, kahigrani nga mga residente, ngan barangay officials, an biktima in waray kilala nga kaaway, naglabay nga mga away, o presidente nga diri pagkaarasya ha bisan kan kanay.
Sugad man, waray gihapon sinyales hin foul play an naobserbaran ha lugar. Gintutuuhan nga posible gin-atake ha kasingkasing an biktima, pero madedeterminar la an eksakto nga hinungdan han iya pagkamatay pinaagi hin kaangayan nga medikal nga pag eksamin.
Ginrequest na han Calubian Municipal Police Station an Calubian RHU para han pagbuhat hin postmortem examination.
Source: RMN Tacloban