Padayon yana nga ginpapatuman han Department of Environment and Natural Resources o DENR an mga pitad para mapreserbar an Sohoton Cave and Natural Bridge ha Brgy. Guirang, Basey, Samar, nga usa han mga kilalado nga eco-tourism destination ha Rehiyon Otso.
Importante nga maprotektaran an lugar tungod han mga natural nga atraksyon nga makikit-an dinhi sugad han sohoton cave, natural bridge, mahusay salog, ngan an mga stalactites ngan stalagmites nga nahihimo nga natubo hin harani 100 years kada pulgada.
Pinaagi han regular nga pagmonitor, ginbabantayan gihap han DENR an lugar kontra ha ilegal nga pag-utod ngan pagpanguha hin kahoy o an gintatawag nga timber poaching, iligal nga pagkuha hin mga natural resources, ngan iba pa nga mga buruhaton nga makakadaot ha kalibungan ngan husay hini nga tourist spot.
Dugang pa, paborito nga destinasyon ini han mga bisita para ha river cruise, cave exploration, trekking, sightseeing, ngan pagkuha hin mga magupay nga pictures ha sulod han parasyadahan.
Ginlalaoman nga pinaagi hini nga mga pitad, mapapabilin an natural nga kahusay han Sohoton Cave and Natural Bridge agud padayon nga makabulig ha turismo ngan panginabuhi han mga residente ha Basey, Samar.
Source: RMN Tacloban