ILOILO — Naka-recover ang Provincial Drug Enforcement Unit (PDEU) sang P1.5 million nga balor sang suspected shabu sa drug bust operation sa Mata Village, Barangay Botongon, Estancia kagab-i.
Nadakpan ang subject nga si alyas Maymay, 25-anyos sang Brgy. Poblacion, Estancia samtang nakapalagyo ang iya upod nga si Jokie, 34-anyos nga taga-Poblacion, Ajuy.
Nabaklan ang subjects sang isa ka sachet sang suspected shabu sa balor nga P6,600.
Lakip man sa nakuha sa operasyon ang apat ka dalagku nga pinutos sang suspected shabu.
Naglab-ot sa 230 grams sang suspected shabu ang na-recover sang kapulisan kag mga drug paraphernalia.
Source: Aksyon Radyo IloIlo