Nag-saad hi Office of the Presidential Adviser on Peace, Reconciliation and Unity (OPAPRU) Secretary Mel Senen Sarmiento nga mag-aalutaga han ira buhatan hin kadugangan nga pondo basi madugangan an mga balay han mga anay miyembro han armado nga kagiusan nga bumalik na ha piud hitun balaud.
Gin himu ni Sarmiento an mao nga saad dida han iya pagbisita ha Saad nga Balay ha bungto han Calbiga.
Subay han opisyal hira in mag-aalutaga hin pondo para ha pag construct hin kadugangan nga 10 nga balay nga mauukyan han mga former rebels.
Ha pagkayana in may-ada na 10 nga mga balay ngan gin uukyan na ini han mga former rebels nga residente han bungto hitun Calbiga ug bumalik ha piud hitun balaud.
Ha iya pagbisita, pinangunahan gihapun han opisyal an oathtaking han mga opisyales han Saad nga Balay Homeowners Association.
Nagkamay-ada gihapun hin kunsultasyun ha butnga han mga anay NPA members ngan OPAPRU kaupod an mga kasundaluhan hitun 8th Infantry Division ngan Local Government Units han Calbiga agud mahisabtan kun ano pa an mga kinahanglan agud masiguro an hapsay nira nga transition ngan reintegration balik ha komunidad.
Source: RMN Tacloban