Ginbaton sang National Task Force to End Local Communist Armed Conflict (NTF-ELCAC) ang desisyon sang regional trial court sa duwa ka aktibista sa Tacloban City nga guilty sang kasong terrorism financing.
Suno kay NTF-ELCAC Executive Director Undersecretary Ernesto Torres Jr., ang conviction ni Frenchie Mae Cumpio kag Marielle Domequil sang Regional Trial Court Branch 45 sa Tacloban City ang pamatuod nga nagagana pa sa gihapon ang justice system sang atong pungsod base sa ayon sa ginbug-aton sang mga ebidensya.
Suno sa desisyon sang RTC Branch 45 anti-terrorism court, nga gin-presidan ni Judge Georgina Perez, guilty si Cumpio kag Domequil sa kasong terrorism financing sa idalom sang Republic Act 10168.
Suno man sang International Monetary Funds sakop sang terrorism financing ang pagpangita ukon pagproseso sang mga pondo para pang-supply sa mga terorista o pahatag sa ila sang mga kagamitan.
Sa iban nga bahi. aquitted man sila sa ng korte sa kasong illegal possession of firearms kag mga explosives charges.
“We welcome and respect the ruling,” suno pa ni Torres na ginklaro pa nga ang amo nga kaso suportado ma sang sworn testimonies, financial records kag material evidence nga nagapakita sang mga ebidensya sang pondo para sa amo nga terrorist organization, amo ang strikto nga ginabawal sang Terrorism Financing Prevention and Suppression Act.
“The same court that acquitted them of one charge convicted them of another after a full trial. This demolishes claims of political persecution and shows judicial independence,” dugang pa ni Torres.
Kaupod ang ang duwa ka indibidwal sa ginakilala nga “Tacloban 5,” nga gin-aresto sang nagligad Feb. 7, 2020 sa isa ka raid sang ginapatihan nga communist safe houses.
Si Cumpio isa ka former executive director sang alternative news outlet sang Eastern Vista,kag si Domequil isa naman ka lay worker sang Rural Missionaries of the Philippines.