Pormal na nga ginbuksan ang 2026 National Private Schools Athletic Association (PRISAA) Games sa Panaad Park and Stadium sini lang Mayo 10 2026.
Bangud sa aktibidad, nagtililipon ang ara sa 90 pribado nga mga tulunghaan halin sa 17 ka rehiyon sa Pilipinas sa Bacolod City para sa kompetisyon sang 21 ka mga sports discipline.
Sini nga tuig sang PRISAA, ginpakilala man ang obstacle-course racing nga pakigbahinan sang tanan nga mga regional representatives sa bilog Pilipinas.
Ginhangkat man ni Bacolod City Mayor Greg Gasataya ang tanan nga mga atleta nga ipakita ang ila tanan makaya kag mangin maisug sa pag-atubang sa tanan nga mga hamon sang kompetisyon.
Nag-attend sa ginhiwat nga opening ceremony ang pipila ka mga mataas nga personalidad kaupod sila Mark Molina; SILG Juanito Victor Remulla; John Patrick Gregorio ng Philippine Sports Commission; kag si Negros Occidental Governor Eugenio Jose Lacson, kaupod ang iban pa nga mga sports officials, educators, kag sports leaders.
Bilang supprta sang tanan nga mga delegado, gin-anunsyo sang pamahalaang lungsod sang Bacolod ang libreng WI-Fi sa tanan nga mga billeting centers para mangin komportable ang tanan nga mga delegado sa ila pag-istar sa lungsod tubtob matapos ang kompetisyon.