TACLOBAN CITY – Nasunog an usa nga balay ha New Hope, usa nga Yolanda Resettlement Site nga nahimumutang ha Brgy. 107, Sta. Elena, Tacloban City, pasado alas 6:00 hitun aga.
Dayon nga rumesponde an mga otoridad ha lugar agud mapugngan an paglapta han kalayo ngan masiguro an seguridad han mga residente. Padayon pa an ira imbestigasyon basi hibaroan an gintikangan han sunog ngan an bug-os nga kadaot nga nahimo hini.
Samtang hini nga oras, padayon nga ginhuhulat an opisyal nga kumpirmasyon tikang ha mga otoridad may kalabotan ha impormasyon nga may posible nga nawad-an hin kinabuhi ha nasabi nga insidente.
Source: RMN Tacloban