Umabut na ha rehiyun an mga opisyal han central office han Department of Education nga gin manduan ni Secretary Sonny Angara nga panginanuon an mga biktima han madugo nga shooting incident ha San Jose National High School.
Subay ha impormasyun tikang han DepEd, dayun nga kumadto ha hospital an mga opisyal agud makita ngan mapanginanu an kamutangan han mga biktima.
Gin patapud han buhatan nga bubuligan an mga biktima ha bulig han iba nga buhatan han gobyerno.
“Patuloy ang pakikipag-ugnayan ng Kagawaran sa mga kinauukulang ahensya, kabilang ang PNP at DSWD, upang maihatid ang kinakailangang tulong, suporta, at pag-aaruga sa mga apektadong mag-aaral, guro, at kanilang mga pamilya,” sumala ha pamahayag han DepEd Central Office.
Subay ha impormasyun tikang kan DepEd Tacloban City Information Officer Nilo Eder, sumaka na ha 13 an mga nasamaran ha nahinabu nga shooting incident kun diin an mga suspect in mga menor de edad gihapun.
Pira han mga biktima in ada ha delikado nga kamutangan samtang may ada naman iba nga nag-antus hin gudti nga kasamdan.
Hira yana in mga gin tatambal ha mga hospital ha syudad han Tacloban ngan Palo.
Tulo nga mga estudyante an nahisumat nga namatay ha shooting incident. Duha ha ira in babaye, samtang an usa in lalake.
Source: RMN Tacloban