Nagalaom ang alkalde nga maturn-over na sa Bacolod City Government ang management sa ginarennovate nga Bacolod City Public Plaza sa 2nd ukon 3rd week sang Setyembre.
Nahibaluan nga nagapatigayon na sang testing ang Tourism Infrastructure and Enterprise Zone Authority (TIEZA) sa mga lightings nga gin-install sa plaza.
Sa interview kay Bacolod City Mayor Greg Gasataya, may commitment ang TIEZA sang commissioning sa ikaduha ukon ikatatlo nga semana sang Setyembre agud magamit ang plaza sa Bacolod Masskara Festival 2026 sa Oktubre.
Apang antes ang turn-over ang TIEZA ang magapatigayon man sang testing sa mga gin-install sa plaza agud maseguro nga wala sang problema ukon deperensya antes masaylo ang pagdumala sa City Government.
Ang mga opisyales sang ciudad ang may constant communication man sa TIEZA.
Source: Bombo Radyo Bacolod