May ada pa lima nga mga local government unit ha Leyte an waray pa kadeklara nga Stable Internal Peace and Security.
Ini in subay kan 93rd Infantry Battalion Commander Lieutenant Colonel Celeste Frank L. Sayson.
Ini nga mga LGU amu an syudad han Tacloban ngan Ormoc, ug an mga bungto han Carigara, Jaro, ngan Albuera.
Naninginkamut an mga kasundaluhan nga ha diri maiha nga panahon madedeklara nga talwas ha hulga han insurhensiya ini nga lima nga mga LGU basi madeklara na gihapun an probinsya han Leyte nga Stable Internal Peace and Security o insurgency free sigun kan LtCol Sayson.
Dugang pa ni LtCol Sayson nga waray na hira mga namomonitor nga miyembro han New People’s Army nga nag-ooperate ha probinsya han Leyte nga mga taga Leyte mismo pero may ada pa nasasalin nga 12 nga mga NPA nga sige an libut-libut ha area of operation han 93rd IB.
Ha mga local government unit nga sakup han 93rd IB, an probinsya han Biliran ngan Southern Leyte in natima na nira kadeklara nga insurgency free. An probinsya han Biliran dida han Setyembre 2024, samtang an probinsya han Southern Leyte naman in dida han bulan han Mayo 2026.
Source: RMN Tacloban