Patay an usa nga lalaki samtang samaran an iya anak han pamumusilon hin riding in tandem ha Brgy. Balao, Burauen, Leyte, alas-11:55 han gab-i han Hulyo 10.
Ginkilala namatay nga hi alyas “Rico,” 40-anyos, paraguma ngan residente han Brgy. Paghudlan, Burauen, Leyte ngan nagpapatambal naman ha ospital an iya anak nga 17-anyos nga hi alyas “Yanyan.”
Sumala ha inisyal nga imbestigasyon han kapulisan, tikang an magtala-amay ha Brgy. Balao ngan tiuli na unta ha Brgy. Paghudlan han daupon hira han duha nga waray pa makikilal-i nga mga suspek nga nagpakaitom ngan ginpamumusil an mga biktima. Kataliwan in dayun kumalagiw an mga suspek tipakadto ha town proper han Burauen.
Nag-angkon hin damo nga inig-an hin bala ha iya lawas hi alyas “Rico” nga nagdurot han iya kamatay, samtang naigo naman hi alyas “Yanyan” ha wala nga tiil ngan wala nga palad.
Padayon yana an hot pursuit operation ngan dragnet operation han kapulisan para makilala ngan madakop an mga suspek.
Source: RMN Tacloban