Napasakaan na sang kaso ng theft ang lalaki nga nagpangawat sang metal grills sa atubang sang Negros Occidental High School.
Madumduman nga naaktuhan sang Public Order and Safety Office si alyas “Tinoy”, 36-anyos nga residente sang Barangay 16, Bacolod City nga nagpangawat sang metal bars sa nasambit nga eskwelahan.
Sa interview sang Bombo Radyo kay Bacolod City Mayor Greg Gasataya, ginalantaw isa ka grupo ang amat-amat nag nagapangawat sang kabilya tubtob nga nakalbo na ang metal bars.
Sa karun, nakahunong ang suspect sa Bacolod Police Station 1.
Nagpasalamat ang Alkalde sa mga pumuluyo sa pag-pa alerto sang POSO kag kapulisan agud matigayon nga madakpan ang suspect.
Source: Bombo Radyo Bacolod