Dara han sumat nga gin aaligar pagtaplong ha iya anak, samaran an usa nga lalaki mahuman ini pagbun-on han nanay han live-in partner hini ha Brgy. Catoogan, Sta Fe, Leyte, kakulop, Mayo 31, 2026, alas 6:45 han gab-i.
Ginkilala an biktima nga hi alyas “Badong,” ada ha legal nga pangidaron, usa nga parag-uma, ngan residente han Brgy. Catoogan, Sta. Fe, Leyte.
Samtang, an suspek liwat in ginkilala ha alyas nga “Epil,” 53-anyos nga parag-uma, residente gihapon han pareho nga barangay.
Ha inisyal nga imbestigasyon han mga otoridad, nakakarawat hin sumat an suspek tikang ha iya anak nga babayi nga hi alyas “Kayan,” nga hiya in gin aaligar gintaplong han biktima, nga iya live-in partner.
Dara han kasina tungod han nahisabtan, pumakadto an suspek ha panimalay han biktima ngan didto ginkompronta. Nagkamayada mapaso nga batunay an duha kun diin durante han samok, gin aaligar gintaplong han biktima an suspek ha nawong.
Pagbulos naman han suspek, nga hadto nga oras in mayada bitbit nga improvised nga kutstilyo, in ginbuno an biktima ha iya tiyan.
Dayon liwat nga gindara an biktima ha EVMC para han pagtambal. Samtang, nadakop naman an suspek ngan gindara ha Sta. Fe Municipal Police Station lakip an gin gamit nga armas para han sakto nga disposisyon.
Source: RMN Tacloban