Calatrava, Negros Occidental- Arestado ng Calatrava PNP ang isang lalake dahil sa ipinagbabawal na droga nitong Hulyo 4, 2022 sa Barangay Patun-an, Calatrava, Negros Occidental.
Kinilala ng mga awtoridad ang suspek na si Carlito Aliermo y Broncano, 42 anyos, may asawa at residente ng Barangay Suba ng nasabing bayan.
Ayon pa sa hepe ng Calatrava MPS, Police Major Lumyaen Lidawan, nahuli ang suspek sa isinagawa nilang drug buy-bust operation nitong hapon ng lunes sa nabanggit na lugar.
Nakumpiska sa suspek ang tatlong (3) maliliit at dalawang (2) pahaba na heat sealed transparent plastic sachet ng ipinagbabawal na droga na may bigat na 0.888 grams at standard drug price na Php6,038.00, buy-bust money na Php7,690.00 at iba pang drug paraphernalia.
Ang suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.