Gibalandra ni Police General Jose Melencio C. Nartatez Jr., Chief PNP, ang mga nahimong kalampusan sa Philippine National Police (PNP) sa kampanya batok kriminalidad, ilegal nga droga ug smuggling.
Gipresentar ni PGen Nartatez ang mga accomplishment atol sa Traditional Monday Flag Raising Ceremony karung buntag, Agosto 17, 2026, sa Camp Crame, Quezon City.
Lakip sa mga gipasiugda ang bag-ohay lang nga operasyon sa Kalinga diin 750,000 ka marijuana plants nga gibanabana og ₱150 milyon ang nabunot ug gilaglag. Sa Mindanao, nakarekober usab ang kapulisan og mga smuggled cigarettes nga nagkantidad og ₱37 milyon.
Padayon usab ang manhunt operations batok sa mga Most Wanted Persons, lakip ang mga foreign nationals nga adunay pending o nakompirmang mga paglapas sa balaod.
Sumala ni CPNP Nartatez, ang matag operasyon sa PNP kinahanglan adunay tumong nga mapanalipdan ang komunidad ug mapalig-on ang pagsalig sa katawhan.
“Let every action protect our communities and strengthen public trust. That is the meaning of ‘Bagong PNP para sa Bagong Pilipino: Serbisyong Mabilis, Tapat, at Nararamdaman,’” mensahe ni PGen Nartatez.
Gipasalig sa PNP nga ipadayon ang mga operasyon batok kriminalidad ug uban pang hulga sa kalinaw ug seguridad aron masiguro ang kaluwasan sa publiko.