Usa nga heritage tour an gin buhat ha bungto han Carigara kaparte ha pagsalin-urug han 431st town fiesta.
An mao nga aktibidad in gin organisa han Carigara Heritage Society ug sinuportahan han Local Government Unit han Carigara.
Bumulig ha heritage tour an mga estudyante han estudyante han Eastern Visayas State University – Carigara Campus ngan han Holy Cross College of Carigara, Inc.
Panuyo han heritage tour nga mapadukwag an pagkilala han lokal nga kasaysayan ngan kultural nga panurundon ha mga batan-on nga henerasyon.
Upod ha mga gin bisita dida han heritage tour an Balay Gawas an Harigi, Cassidy Elementary School, Carigara Church, ngan an Carigara Municipal Library and Museum.
Ha pagyakan ni Mayor Ed Ong Jr., iya gin aaghat an mga estudyante nga tumambong nga padayun nga pag-adman an history han ira bungto basi maisumat ngan matutdo ha iba labi na ha mga umarabut nga henerasyun.
Ha bahin naman kan Leyte Province Tourism consultant Frances Ann Petilla importante nga an kada isturya han bungto in ig sumat o ig tutdo ha iba kay ini an makakaghatag hin tinuod ngan diri mahingangalimtan nga eksperyensya han mga bisita ug turista nga mabisita ha usa nga lugar.
Labut ha pagbisita ha mga heritage sites, natilawan gihapun durante han mao nga aktibidad an mga heritage food han bungto sugad han pastillas, biti, ngan inutok.
Source: RMN Tacloban