Personal nga ginkadto ni DSWD Field Office VIII Assistant Regional Director for Operations Artemio E. Bautista, upod an iba pa nga Angels in Red Vests han ahensya, an pamilya han usa ha mga estudyante nga waray makatalwas ha nahitabo nga shooting incident ha San Jose National High School.
Naghatag an ahensya hin P10,000 nga inisyal nga pinansyal nga bulig nga makakabulig ha kadagmitan nga panginahanglan han pamilya samtang gin-aabat nira an duro nga kasubo nga durot han trahedya.
Labot la han financial assistance, naghatag an DSWD hin Psychological First Aid ha mga paryente han mga biktima, han mga nasamaran, ngan iba pa nga mga indibidwal nga apektado han insidente.
Nagpaabot gihapon hin pakikiramay an DSWD ha pamilya han mga naawat an kinabuhi, ngan ginsiguro nga padayon hira nga makikipagsumpayan ha lokal nga pamunuan ngan iba pa nga ahensya agud masiguro nga mahahatag an kinahanglan nga bulig ngan serbisyo ha tanan nga mga naapektaran.
Padayon gihapon an pakipagsumapayan han ahensya para ha paghatag hin kadagmitan nga bulig pinansyal ha iba pa nga biktima han insidente.
via DSWD Eastern Visayas
Source: #RMNTaclobanNews