ILOILO — Dead-on-arrival sa ospital ang driver kag backrider sang motorsiko nga nakabunggo sa naga-park nga truck sa kilid sang karsada sa Barangay Carvasana, Calinog kahapon sang kaagahon, Hunyo 28.
Papuli na kuntani sa ila balay si Alyas Doydoy, 43-anyos nga driver sang motorsiklo, kag alyas Toto, 18-anyos nga backrider, sang nadulaan sang kontrol sa manibela ang driver gani nakabunggo sa likod sang truck nga naga-park sa kilid sang karsada.
Napilasan ang duha sa ulo tungod sa impact sang pagkabunggo.
Wala sang suksok nga helmet ang mga napatay.
Source: Aksyong Radyo IloIlo City