Nakigbahin ang Department of Migrant Workers Regional Office VII (DMW-7) sa Grand Ease of Doing Business (EODB) Fair nga gihimo sa Danao Civic Center niadtong Mayo 28, 2026 isip kabahin sa selebrasyon sa Ease of Doing Business Month.
Gidala sa DMW-7 ang ilang serbisyo ug impormasyon nga mas duol sa katawhan pinaagi sa information dissemination ug pagtubag sa mga pangutana kabahin sa mga programa sa ahensya.
Ang kalihokan gihimo pinaagi sa panagtambayayong sa ARTA-7 ug Danao City LGU isip usa ka one-stop shop alang sa nagkalain-laing serbisyo sa gobyerno. Lakip sa mga miapil nga ahensya mao ang DOH, SSS, DFA, DTI, PAG-IBIG, PSA, PNP, PRC, LTO, PhilHealth, ug GSIS.
Sumala sa DMW-7, tumong sa maong kalihokan ang pagpalig-on sa episyente, transparent, ug accountable nga serbisyo publiko.