Gintikangan na yana nga adlaw, Hunyo 15, 2026, an pag-demolish ha mga tindahan ha atubangan han Eastern Visayas Medical Center (EVMC). Ini in ha pagtikang pagtukod han EVMC Legacy Building.
Ha pakighimangraw han RMN Tacloban kan EVMC Medical Center Chief, Dr. Joseph Michael Jaro, maka upat na, tikang pa han 2024, nga gintagaan hin notice an mga vendors tungod hin kawaray lisensya, lakip an final notice nga ginhatag duha ka semana nakalabay.
Sumala kan Dr. Jaro, waray nagin resistance an mga vendors, ngan an iba in boluntaryo nga nagbakante ha lugar para han pagbubuhaton nga demolition. Pira na gihapon nga serye hin mga meeting an ginbuhat, kun diin an pinakabag-o hini in ginbuhat 2 weeks ago upod an city government ngan gin imbitaran an mga apektado agud ig esplikar ha ira an kahimtang.
Target han bag-o nga pagtitindugon nga Legacy Building an pagkamayada hin 1,500 beds para ha pag akomodar hin mas damo nga pasyente.
Source: RMN Tacloban