Naghatag hin mga ayuda ha mga mangirisda ngan mga parag-uma hi Department of Agriculture Secretary Francisco “Kiko” Tiu Laurel Jr., han bumisita hiya Yana nga semana ha bungto han Mapanas, Northern Samar.
Lakip ha mga iginturn-over an PhP4.4 milyon nga agricultural support, PhP293 milyon nga agricultural insurance coverage, PhP1.2 milyon nga abaca straightening machines ngan livestock assistance, ngan financial assistance tikang ha Malacañang para ha mga parag-uma ngan mangingisda.
Nagsaad gihapun hi Secretary Tiu Laurel nga maghahatag an DA hin mga kadugangan nga hinabang sugad han solar-powered ice plant, BFAR steel vessel ngan lifeboats, tuna fishing boats, ngan modular solar cold storage facilities nga makakabulig ha pagpreserbar han ani ngan pagdugang han kita han mga mag-uuma.
Usa han mga pinaka-importante nga bahin han okasyon amo an paglansar han mga programa sugad han High Value Crops Development Program (HVCDP), Livestock Program, Corn Program, Rice Program, ngan PAFFP.
Daku an pasalamat han mga opisyal hitun bungto han Mapanas hini nga mga hinabang nga nakarawat han ira mga mulopyo.
Subay ha ira an pagbisita ni Secretary Laurel in usa nga klaro nga pagpamatuod han suporta han national government ha mga parag-uma ngan mangingisda.
Lakip ha mga opisyal han nga tumapo Kan Sec Laurel Hira Mayor Atty. Ronn Michael L. Tejano, Governor Christopher Harris Ongchuan, ngan Northern Samar Representative Edwin Marino Ongchuan.
Source: RMN Tacloban