Waray plano an Commission on Elections (COMELEC) nga ipahilawig pa an voter registration para ha Barangay and Sangguniang Kabataan Elections (BSKE) nga pagbubuhaton ha November 2, 2026.
Sumala kan COMELEC Chairman George Erwin Garcia, waray na extension an pagpaparehistro ngan ha Lunes, Mayo 18, 2026 na an urhi nga adlaw hini.
Bisan man kun waray operasyon an COMELEC kada Lunes tungod han work-from-home arrangement kumo pagsuporta ha national policy on energy conservation, aabrihan naman nira an tanan nga opisina han COMELEC, satellite o mall registration sites ha mao nga adlaw para ha mga malanat pagparehistro.
Para han mga naruruyag pa magparehistro, abri an mga opisina han COMELEC tikang alas 8:00 han aga tubtob alas 5:00 han kulop bisan pa yana nga sabado.
Kinahanglan la magdara hin usa nga valid government-issued ID tungod nga diri kakarawton an cedula, barangay-issued certificate, ngan barangay ID.
Base ha urhi nga datos han COMELEC, maabot na ha haros 5,000,000 an nagparehistro para ha eleksyon nga nagtikang ngada han Oktubre 20, 2025.
Kadam-an ha mga nagparehistro in tikang ha CALABARZON, Central Luzon, ngan National Capital Region (NCR).
Source: #RMNTaclobanNews