Wala nang buhay nang matagpuan ang 7-anyos na batang lalaki sa Sitio Lawad, Brgy. Palid 1, Leyte, Leyte, nitong Disyembre 15, 2023.
Kinilala ang biktima na si Aaron Vergara, 7 taong gulang, Grade 1 pupil at residente ng Brgy. Espinosa, Calubian, Leyte.
Naiulat na nawawala si Aaron noong tanghali noong Disyembre 14, 2023. Nang magsagawa ng imbestigasyon at search operation ang Calubian Municipal Police Station nabatid na ang biktima ay dinala ng suspek sa kanyang tricycle alas-2:30 noong Disyembre 14, 2023 sa kuha ng CCTV camera.
Kinilala ang suspek na si alyas Maglasang, 27 anyos at residente ng Sitio Kamalig, Brgy. Palad 1, Leyte, Leyte.
Sa panayam sa suspek, sinabi nito ang lokasyon ng biktima kung saan natagpuan sa masukal na bahagi at wala nang buhay.
Dinala ang suspek sa Calubian MPS para harapin ang kasong Kidnapping with Homicide.