Nasapwan ang bangkay sang isa ka lalaki nga may igo sang bala sa ulo sa Sitio Hayangon, Barangay Magticol, sa banwa sang Toboso alas- 6:00 kahapon sang aga, May 30.
Ginkilala ang biktima nga si alyas Roel, 35-anyos, wala sang asawa, wala sang trabaho kag residente sang Sitio Winaswasan, Barangay Bandila sa nasambit nga banwa.
Sa inisyal nga impormasyon, alas-9:10 sang aga nakabaton sang report ang Toboso Municipal Police Station nga may nasapwan nga bangkay nga may igo sang bala sa ulo sa kilid sang dalan sa nasambit nga lugar.
Ang bangkay ang gindala sa Toboso Primary Care Facility kag natalana nga ipaidalom sa post-mortem examination.
Sa karun, padayon pa ang imbestigasyon sang kapulisan sa insidente.
Source: Bombo Radyo Bacolod