Waray magdadahom nga an anak nga ginbantayan ngan ngan ginpadako, an maghuhuman han kinabuhi han iya mismo nanay.
Ine an makangingirhat nga panhitabo ha Purok 6, Brgy. Guindapunan, Catbalogan City dida han Septyembre 3, 2026.
Ginkilala an suspek nga hi alyas Anik, 45 anyos, usa nga tricycle driver ngan an biktima nga nanay hine nga nag-eedad 79 anyos.
Ha impormasyon nga nakuha, nag-away an magtala-eroy nga nagresulta han pisikal nga pagpaul-ul.
Nahimo han suspek nga tiloon ngan malmalon hin bakal an iya nanay ha ulo rason han dayon hine nga pagkamatay. Nadara pa ha hospital an biktima pero gin deklara na ine nga dead on arrival.
Kapot na yana han Catbalogan PNP an suspek agud atubangon an kaangayan nga kaso.
Source: RMN Tacloban