Mga iskolar ng bayan protektahan
Deka dekadang panlilinlang ating wakasan
Tunay na edukasyon ang inyong karapatan
Inyo nang itakwil ideolohiya ng karahasan.
Pamantasang hirang maghuhubog sa kabataan
Magturo ng ayon, sa ikauunlad ng bayan
Ang murang isip ng inyong kabataan
Huwag ilihis tungo sa kapahamakan.
Sa kanayunan, sa kabundukan sila ay nagkubli
Nag armas, dahas, nilapastangan, pinagsilbi
Ekstorsyon, terorismo, pagkitil sa mamamayan
Mga musmos ng Lumad inyo pang inagawan.
Pag nasukol sa kabundukan ng tunay na Sandatahan
Mga buntis, sugatan, inyong labi ay iiwan
Ng mga kadreng duwag ng teroristang sinamahan
Habang hayahay sa buhay, naglason sa inyong kaisipan.
Nagsusumiklab mga panaghoy at hinagpis,
Mga magulang ng kabataang inyong inilihis
Tama na, sobra na, itakwil ang karahasan,
Mga iskolar ng bayan, ating protektahan!
-Unknown
Credits to the author and image owner