Tinatayang nasa mahigit Php60,000.00 halaga ng shabu ang nasamsam ng mga operatiba ng PDEA 7 Regional Special Enforcement Team (RSET) sa pagsalakay sa isang drug den nito lamang Biyernes, Agosto 19, 2022 sa Sitio Pasong Kabayo, Barangay Duljo Fatima, Cebu City.
Naaresto mula sa naturang operasyon limang (5) drug personalities kabilang ang drug den maintainer na si Mary Ann A. Canoy, alias, An-An, 44 at ang apat na mga bisita ng drug den na sina Lorina T. Davide, 27; Royet P. Babano, 25; Crispin P. Babano, 33; and Harvie June B. Misa, 32.
Nakumpiska sa operasyon ang nasa 10 gramo ng iligal na droga na may estimate market value na Php68,000, buy-bust money, at mga drug paraphernalia.
Kasong paglabag sa Article II ng RA 9165 ang isasampa laban sa mga suspek.