Sa usa ka komunidad nga isla sa Tubigon, ang pag-abot sa serbisyo dili lamang responsibilidad kundili usa ka porma sa pagpakabana ug paglaum.
Niadtong September 3, 2026, ang Police Community Affairs and Development Unit (PCADU), uban sa Tubigon Municipal Police Station, mipadayon sa kampanya alang sa National Crime Prevention Week pinaagi sa pagdala sa mensahe sa kalinaw, kaluwasan, ug responsableng pagkalungsoranon ngadto sa mga kabataan sa Mocaboc Island, Tubigon, Bohol.
Kabahin sa maong kalihokan ang pagpanghatag og 100 ka pares sa tsinelas ngadto sa mga pupils—usa ka yano nga gasa, apan adunay dakong kahulugan. Kay usahay, ang gamay nga tabang mahimong dakong pahinumdom sa usa ka bata nga adunay mga tawo ug institusyon nga andam moabot, maminaw, ug motabang.
Kini nga inisyatibo gihimo in collaboration with Tubigon MPS, ubos sa pagpangulo sa TEAM led by PMAJ Joseph F. Lopena, Chief, PCADU ubos usab sa lidirato ni PCOL PATRICIO C. DEGAY JR, Provincial Director sa Bohol PPO.
Kay ang crime prevention dili lamang mahitungod sa pagpugong sa krimen. Kini usab mahitungod sa pagpalig-on sa komunidad, pag-amuma sa kabataan, ug pagtukod og usa ka kaugmaon diin ang kalinaw magsugod sa pagsalig ug panaghiusa.
Source: PNP Bohol