ILOILO CITY—Las-2:30 subong nga hapon nakit-an sang mga nagatambay nga estudyante ang nagalutaw nga lapsag pila lang gid ka metros malapit sa pantalan.
Gilayon nga nagpangayo sang bulig ang mga estudyante kag ginpatawgan sang tanod.
Una nga nagresponder si Oscar kag ginpanaugan sa baybay ang lapsag.
Sang una nakita ni Oscar, kumpleto na ang lawas sang lapsag kag naga-angut pa ang pusod.
Wala niya gin-uyatan ang lapsag tungod sa kahangawa nga magbuluglag ang parte tungod nagahumok na kon tandugon.
Gingamitan sang sigpaw kag gin-alsa paibabaw ang lapsag. Ginsulod sa karton kag gindala sa barangay hall.
Wala sang ideya ang mga residente kon kay sino lapsag ang nasapwan.
Source: Aksyong Radyo IloIlo