Pormal nga giablihan ang World Travel Expo (WTE) Year 10 niadtong Agosto 14, 2026 sa Activity Center sa Ayala Center Cebu, isip pagsaulog sa usa ka dekada nga pagkonektar sa mga biyahero, destinasyon ug mga kaabag sa industriya sa turismo.
Mitambong sa opening ceremony ang mga tourism stakeholders, travel professionals, hotels, resorts, travel agencies ug nagkalain-laing negosyo ubos sa tema nga “Extraordinary Journeys, Exceptional Memories.”
Girepresentahan ni Cebu Provincial Tourism Officer Rowena Lu Y. Montecillo ang Cebu Provincial Government sa maong kalihokan, isip pagpakita sa padayong suporta sa probinsya sa mga inisyatibo nga nagpalig-on sa tourism partnerships, nagpasiugda sa nagkalain-laing destinasyon sa Cebu ug nagmugna og mas maayong oportunidad alang sa mga biyahero ug sa tourism industry.
Sa pagsaulog sa ika-10 nga tuig sa WTE, ang Cebu leg nahimong importante nga plataporma alang sa pagkonektar, pagtinabangay ug pagdiskubre, samtang mas gipasiugda ang Cebu ug Central Visayas isip mga nangunang destinasyon alang sa talagsaon ug dili malimtan nga mga kasinatian sa pagbiyahe.
