ILOILO — Napilasan sa abaga ang asawa sang ginlabo sang iya bana sa Barangay Jaguimitan, Passi City.
Suno kay Police Lieutenant Colonel German Magbanua, hepe sang Passi City Police Station, pag-abot sang asawa nga 30-anyos sa ila balay gulpi lang siya ginlabo sang iya bana nga 38-anyos.
Nakalikaw ang asawa bisan pa nakibot siya amo nga may diutay siya nga pilas sa wala abaga.
Sa pagpangusisa sang mga pulis, masami naga-away ang mag-asawa tungod gunasaway sang asawa ang bana sa iya pagkapalahubog.
Nadakpan sang kapulisan ang bana kag preso na samtang estable ang kondisyon sang asawa sa ospital.
Source: Aksyong Radyo IloIlo