Ginkumpirma sang Philippine Institute of Volcanology and Seismology (PHIVOLCS) nga naka-rekord ini sang earthquake swarm sa dagat nga sakop sang Bolinao, Pangasinan halin sang Mayo 27, 2026, 11:15 sa aga tubtub subong nga adlaw, Hunyo 26, alas syete sa aga.
Suno sa ahensya, may natabo nga 287 ka mga linog lakip na ang linog nga Intensity II.
Ginpaathag sang PHIVOLCS nga ang earthquake swarm amo ang sunod-sunod nga linog sa isa lang ka lugar sa sulod sang malip-ot lamang nga tyempo apang wala man sang mainshock nga ginasundan sang aftershock.
Posible suno sa ahensya nga nagalawig ini sang pila ka adlaw, semana, ukon mas madugay pa.
Source: #BomboRadyoIloilo