Pito nga mga miyembro han armado nga kagiusan an namagsurender ha mga kasundaluhan ha bungto han San Jose de Buan.
Subay ha impormasyun tikang ha 87th Infantry Battalion, upod ha pagsurender han pito nga mga anay NPA in mga pusil, mga bala, improvised explosive devices (IEDs), ngan anti-personnel mines.
Gin patapud han kasundaluhan nga an mga namagsurender in matatagan hin bulig pinaagi han Enhanced Comprehensive Local Integration Program (E-CLIP) ngan Local Social Integration Program (LSIP).
Dugang pa han 87th IB nga daku an mabubulig han pagsurender han mga anay New People’s Army member ha nagpapadayun nga pitad agud mahikab-utan an kamurayawan ha probinsya han Samar.
Dugang pa nira nga nagpapakita gihapun nga waray maupay nga kabubuwasun an pagpadayun nga pakigbisug kontra ha gobyerno, sanglit maupay nga bayaan nira ini ug bumalik ha puid han balaud kay may-ada paglaum, oportunidad ngan maupay nga kinabuhi an naghuhulat ha pag abri han purtahan tikadto ha kamurayawan.
Photos credit o 87th Infantry Battalion
Source: #RMNTaclobanNews