Pilason ang pito ka tuig nga babayi matapos mabunggoan sang bus samtang nagatabok sa dalan sa Brgy. Alicante, banwa sang EB Magalona, Negros Occidental, sang Martes, alas- 11:00 sang udto.
Ang bata residente sang Brgy. Mantaangan, EB Magalona samtang ang driver naman sang ceres bus amo si Ernie Bawa-an, 39- anyos, residente sang brgy. Mabini Escalante City.
Sa interview sang Bombo Radyo kay PCapt Jyan Carlo Mania, hepe sang EB Magalona Municipal Police Station, kaupod sang bata ang iya amay kag may ginbakal lamamng sila sa lugar apang nagtabok ang amay para mangihi.
Suno diri, nagtabok man ang bata amo nga nabunggoan ini sang bus nga nagabyahe halin sa banwa padulong sa ciudad sang Victorias.
Suno kay Mania, yara na sa estable nga kondisyon ang bata kag may yara na sang settlement sa bahin sang driver sang bus kag sa pamilya sang biktima.
Source: Bombo Radyo Bacolod