Gin buhat han Department of Interior and Local Government Provincial Office han Samar an site validation ngan assessment para ha pagpatuman hin solar light electrification project ha isla nga bungto han Zumarraga.
An proyekto in pagpopondohan balur PhP25-million pinaagi han Local Government Support Fund – Growth Equity Fund (LGSF-GEF) hitun DILG.
Mga residente han 20 nga kabarangayan an makakabenepisyun han solar light project – upod dinhi an Barangay Camayse, Macalunod, Boblaran, Poro, Mualbual, Lumalantang, Marapilit, Magaan, Talib, Tubigan, Sugod, Ibarra, Alegria, Arteche, Bioso, Tinaogan, San Isidro, Botaera, Maputi, ngan Pangdan.
Kun matima an pagpatuman, panuyo han proyekto nga masiguro an katalwasan ngan seguridad han publiko labi na kada gab-I kay masisiguro hini an masasarigan nga suga ha komunidad nga nagamit han renewable energy.
An pagpatuman han mao nga proyekto in usa gihapun nga pagsuporta ha kanan gobyerno commitment ha pagsiguro hin sustainable local development han kada komunidad.
Source: RMN Tacloban