Pilason ang isa ka katapo sang 79th Infantry Battalion sang Philippine Army matapos na-engkwentro ang ginabulubanta lima ka miyembro sang remnants sang Northern Negros Front sa bahin sang Barangay Tamlang sa ciudad sang Escalante, pasado las-2 sini nga hapon, Hunyo 1.
Ginpahayag ni 1Lt. Fevie Fajardo, Civil Military Operation sang 79th IB, nagluntad ang engkwentro samtang nagapatigayon sang combat operation ang militar kasunod sang mga impormasyon sang bulan sang Mayo nga ang mga katapo sang rebelde ang nagapatigayon sang atrocities sa lugar ilabi na nga ila gin-ako ang pila ka pagpamatay ukon pagpangluthang sa norte nga bahin sang probinsya.
Naglawig ang engkwentro sang kapin lima ka minuto kag gilayon naman nga nagpalagyo ang mga rebelde padulong sa norte nga direksyon.
Padayon naman ang pursuit operation sang militar sa lugar; narekober sa encounter site ang ginapatihan personal nga kagamitan nga ginapanag-iyahan sang mga rebelde.
Source: #DYHBnews