Kabahin sa Walang Gutom Program sa DSWD Region VII, malampusong gipahigayon sa Office of the Local Municipal Social Welfare and Development Office (LMSWDO) sa Catmon uban sa LGU Focal Person ang ikalimang Food Redemption Program alang sa mga benepisyaryo sa lungsod sa Catmon niadtong Mayo 25, 2026,
Ang maong programa gihimo isip tubag sa “Zero Hunger,” usa sa Sustainable Development Goals (SDG) sa nasudnong gobyerno, nga nagtumong sa pagsiguro nga adunay igo ug masustansyang pagkaon ang matag pamilya nga benepisyaryo.
Pinaagi niini, padayon nga gisuportahan sa lokal nga kagamhanan ug DSWD ang panglawas ug kaayohan sa mga rehistradong benepisyaryo pinaagi sa paghatag og access sa masustansyang pagkaon ug uban pang panginahanglanon sa adlaw-adlaw.
Nagpakita usab kini sa lig-on nga panaghiusa sa lokal nga gobyerno ug mga ahensya sa gobyerno aron mas mapalambo ang kahimtang sa komunidad ug malikayan ang kagutom sa mga kabus nga sektor sa katilingban.