Padayon nga gidala sa Lungsod sa Lapu-Lapu uban sa mga opisyal sa Barangay Bankal ang “Libreng Serbisyo Para sa Tanan” niadtong Mayo 21, 2026 sa Barangay Bankal Gymnasium.
Gipasiugda nila Mayor Cindi King-Chan, City Council, ug Congressman Junard “Ahong” Chan ang ilang suporta sa paghatag og batakang serbisyo alang sa mga Oponganon.
Nakapahimulos ang mga residente sa libreng medical ug dental check-up, tambal, nutrition counseling, lugaw, ice cream, seedling, ug livelihood training.
Anaa usab ang wellness services sama sa masahe, haircut, manicure ug pedicure, samtang gihatagan usab og legal services, civil registry assistance, ug registration alang sa senior citizens, solo parents, ug PWDs.
Naghatag usab ang City Veterinary Office og libreng anti-rabies vaccination, deworming, ug bitamina alang sa mga binuhi.
Padayon nga gipakita sa Lungsod sa Lapu-Lapu ang ilang paningkamot sa pagduol sa serbisyo publiko aron mas daghang Bangkalanon ang matabangan ug mapahimulos sa mga programa sa gobyerno.