Bukas ang Armed Forces of the Philippines sa patigayunon nga imbestigasyon sa Toboso encounter. Suno pa kay AFP Chief of Staff General Romeo Brawner Jr, bukas sila sa imbestigasyon sang Commission of Human Rights, Kongreso, Senado kag bisan pa sang korte.
Dugang pa ni Brawner, bukas sila sa bisan ano nga imbestigasyon bangud nakahibalo sila nga lehitimo ang ginhimo sang mga suldado nga operasyon kag wala sila nagpang-abuso.
Suno diri, luyag man sang AFP nga lantawon man sang mga imbestigador kun paano mapauntat ang recruitement sang mga estudyante sa mga eskwelahan.
Dugang pa sini nga dapat lantawon man sang mga naga-imbestigar ang terrorist financing.
Ginpahayag man sini nga dapat mauntat man ang paggamit sang mga kabataan, nga makaluluoy lamang nga nagakapatay bangud naintuan.
Source: Bombo Radyo Bacolod