Nakapanhimulos an maabot 75 nga mga benepisyaryo han skills training nga ginlunsar han Technical Education and Skills Development Authority (TESDA) ha bungto han Lapinig, Northern Samar.
Upod ha mga programa an Dressmaking NC II, Driving NC II ngan Basic Computer Literacy para han 25 senior citizens, 25 out-of-school youth ngan 25 barangay officials ngan LGU workers.
Ginpangunahan an aktibidad ni Yolanda A. Pajenado, Vocational School Administrator II han TESDA-Las Navas Agro-Industrial School, ngan ni Mayor Romualdo A. Menzon Jr.
Sumala ha TESDA, nagpapakita ini han marig-on nga partnership han ahensya ngan LGU han Lapinig agud mapahaluag an access ha skills training ngan maparig-on an oportunidad ha pagpakabuhi ha Northern Samar.
Source: RMN Tacloban