Umabot na ha 19 an hired on the spot ha Leyte People’s Caravan Trabaho Agad Job Fair nga padayon yana nga ginbubuhat ha Tacloban City Convention Center.
Subay ha pinakabag-o nga datos, 177 na an narehistro nga mga aplikante, diin 69 an lalaki ngan 108 an babaye. Padayon liwat an pagkarawat han 10 nga local employers nga may 300 nga job vacancies, samtang lima nga overseas employers an nag-aaghat hin mga aplikante nga karuyag magtrabaho ha gawas han nasud.
Padayon gihapon an pagkarawat hin mga aplikante samtang nagpapadayon an job fair, nga naghatag hin higayon ha mga Waraynon nga makabiling hin trabaho ngan makakuha hin oportunidad para ha mas maopay nga panginabuhi.
Source: RMN Tacloban