Mopailalom sa Revitalized Pulis sa Barangay (RPSB) Training ang 100 ka pulis sa Police Regional Office 7 (PRO7) atol sa opening ceremony nga gihimo sa Camp Sergio Osmeña, Sr., Cebu City niadtong Agosto 20, 2026.
Nanguna sa seremonya si PCol Arnel J. Apud, Deputy Regional Director for Operations sa PRO7, isip Guest of Honor and Speaker. Iyang gipasiugda ang kamahinungdanon sa padayong pagbansay sa mga pulis aron mahimong andam ug epektibo sa pagpatuman sa balaod.
Ang RPSB usa ka community-oriented policing initiative nga nagtumong sa pagpaduol sa kapulisan ngadto sa mga barangay, pagpalig-on sa police-community relations, ug pagpauswag sa kapasidad sa mga pulis sa pagtubag sa mga panginahanglan sa komunidad.
Sulod sa 16 ka adlaw ang training, diin apil ang 100 ka pulis gikan sa nagkalain-laing estasyon sa PRO7. Tumong niini nga mapalig-on ang pagpatuman sa mga programa sa kapulisan uban sa aktibong pagtinabangay sa komunidad.
“As you begin this training, carry with you the core values of a Bagong Pulis sa Makabagong Panahon, a service that is swift, truthful, and felt by the community,” saad ni PCol Apud.