Puspusan ang paghahanda ng kapulisan sa lalawigan ng Aklan para sa paparating na Western Visayas Regional Athletic Association (WVRAA) Meet 2023 na gaganapin sa Calangcang Sports Complex sa bayan ng Makato, Aklan mula Abril 26 hanggang Abril 30, 2023.
Sa isang panayam kay Police Captain Merriefin Carisusa, Hepe ng Makato Municipal Police Station, sinabi niyang nasa 80% na ang kanilang paghahanda upang matiyak ang seguridad at kaligtasan ng lahat ng mga atletang kabilang sa nasabing patimpalak.
Tinatayang nasa 3,000 bisita ang dadalo sa opening parade ng WVRAA Meet sa unang araw ng nasabing regional meet.
Hinimok naman ng mga awtoridad ang publiko na makiisa sa pagsunod sa lahat ng security protocols gaya ng bag checking at body frisking.