Bayawan City, Negros Oriental – Matapos ang matagal na pagtatago sa batas, tuluyang napakasamay ng mga awtoridad ang 32 taong gulang na wanted person sa kasong pagpatay sa operasyon na ikinasa ng mga awtoridad sa Sitio Bigong, Brgy Dauis, Bayawan City gabi nitong Agosto 12, 2022.
Kinilala ang suspek na si Donald Juanitez, residente ng Sitio Tower, Brgy Kalamtukan ng nasabing lungsod.
Naaresto ang suspek sa bisa ng warrant of arrest sa kasong Murder na may Criminal Case Number 2917 na inisyu ni Hon. Maria Myla Rae Santos-Orden, Presiding Judge ng RTC 7th Judicial Region, Branch 63, Bayawan City, Negros Oriental.
Ang matagumpay na pagkakaaresto ni Juanitez ay bunga ng maayos na ugnayan ng mga miyembro at tauhan ng 705th Maneuver Company, RMFB7, 61ST SAC PNP SAF, Dumaguete Maritime Police Station, Kabankalan CPS, PIU NOPPO at RIU7.