Habang abala ang mga construction workers sa paghuhukay para sa itatayong bagong opisina ay hindi inaasahang may nakitang kalawanging bakal, bandang alas 4:00 ng hapon nitong Enero 31, 2023.
Ayon sa nakahukay, noong mapansin niya na parang isang “vintage bomb” ay agad itong ipinaalam sa LGU Security Personnel. Agad namang ipinaalam sa tanggapan ng Palapag Municipal Police Station sa ilalim ng pamumuno ni Police Captain Norben Carbonera ang nasabing natagpuaang bagay.
Agad naman umaksyon ang mga kapulisan at nilagyan ng harang ang sinasabing umanoy “vintage bomb” bilang bahagi ng standard operating procedure.
Ininspeksyon naman agad ng bomb expert personnel para makumpirma kung ito ba ay isang bomba na maaring pumutok pa o hindi na.