Villareal, Samar – Arestado ng Villareal Municipal Police Station ang top 1 Most Wanted Person ng nasabing bayan sa Sitio Lusong Brgy. Canmucat Villareal, Samar noong Agosto 8, 2022.
Kinilala ng mga awtoridad ang naaresto na si alyas “Efren” at nasa tamang gulang. Siya ay naaresto sa isinagawang manhunt operation ng Villareal MPS operating team sa bisa ng warrant of arrest sa panggagahasa sa sarili niyang stepchild.
Nahaharap ang akusado sa krimeng Panggagahasa o Sexual Assault (2 counts) ng Article 266-A (2) ng Revised Penal Code na naka-docket sa ilalim ng Criminal Case No. 2022-2335 at 2022- 2336 na may piyansang Php120,000.00 sa bawat bilang.
Ipinaalam naman ng mga awtoridad ang klase ng pag-aresto sa akusado para sa kanyang mga karapatan sa ilalim ng batas at dinala sa nasabing istasyon para sa karagdagan pang dokumentasyon.